പ്രായപൂർത്തിയാകാത്ത ആൺകുട്ടിക്ക് നേരെ നഗ്നതാ പ്രദർശനം നടത്തിയ സ്ത്രീക്ക് കഠിനതടവും പിഴയും ശിക്ഷ. കാട്ടാക്കട മണ്ണൂർക്കര സ്വദേശി സർജനത്ത് ബീവി (66) യെയാണ് അതിവേഗ പോക്സോ കോടതി ശിക്ഷിച്ചത്. ഒരു വർഷം കഠിന തടവും 20,000 രൂപ പിഴയുമാണ് ശിക്ഷ. പിഴത്തുക ഇരയായ കുട്ടിക്ക് നൽകണം. പിഴ നൽകിയില്ലെങ്കിൽ മൂന്നുമാസം അധിക കഠിന തടവു കൂടി അനുഭവിക്കണം.
2023 ലാണ് കേസിനാസ്പദമായ സംഭവം നടന്നത്. സ്കൂളിലേക്ക് സൈക്കിളിൽ പോയ കുട്ടിയെ പ്രതി ധരിച്ചിരുന്ന വസ്ത്രവും അടിവസ്ത്രവും ഉയർത്തി നഗ്നതാ പ്രദർശനം നടത്തുകയായിരുന്നു. പലതവണയായി ഈ പ്രവർത്തി ആവർത്തിച്ചെന്നും കുട്ടി കോടതിയിൽ മൊഴി നൽകിയിരുന്നു. ആൺകുട്ടിക്ക് നേരെ നഗ്നതാ പ്രദർശനം; സ്ത്രീക്ക് കഠിനതടവും പിഴയും ശിക്ഷ
വാർത്തകൾ വാട്സാപ്പിൽ ലഭിക്കാൻ