വൺവേ തെറ്റിച്ച് കെഎസ്ആർടിസി; അപകടത്തിൽ ബൈക്ക് യാത്രികൻ മരിച്ചു

തിരുവനന്തപുരം പള്ളിപ്പുറത്ത് കെഎസ്ആർ ടിസി ബസ് ഇടിച്ച് ബൈക്ക് യാത്രികനായ യു വാവ് മരിച്ചു. പള്ളിപ്പുറം ബിസ്‌മി മൻസിലിൽ ആഷിക് (21) ആണ് മരിച്ചത്.

ഇന്ന് പുലർച്ചെ ഒന്നിന് പള്ളിപ്പുറം മുഴുത്തിരി യാവട്ടത്തായിരുന്നു അപകടം. തിരുവനന്തപു രത്തേക്ക് പോയ കെഎസ്ആർടിസി സൂപ്പർ ഫാസ്റ്റ് ബസും ബൈക്കും നേർക്കുനേർ ഇടി ക്കുകയായിരുന്നു.

ദേശീയപാത നിർമാണം നടക്കുന്ന ഇവിടെ ഗ താഗത നിയന്ത്രണം ഏർപ്പെടുത്തിയിരുന്നു. വൺവേ തെറ്റിച്ചാണ് ബസ് വന്നത്. അപകടത്തിൽ ഗുരുതരമായി പരിക്കേറ്റ ആഷികിനെ മെഡിക്കൽ കോളജിലേക്ക് എത്തിച്ചെങ്കിലും ജീവൻ രക്ഷിക്കാനായില്ല.

സംഭവത്തിൽ മംഗലപുരം പോലീസ് കേസെടുത്തു. ആഷിക്കിന്റെ മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. പോലീസ് നടപടികൾക്കും പോസ്റ്റ്മോർട്ടത്തിനും ശേഷം മൃതദേഹം ബന്ധുക്കൾക്ക് വിട്ടുനൽകും.