കുട്ടികളുടെ അശ്ലീല ദൃശ്യങ്ങൾ നിർമിക്കുന്നതിനും പ്രചരിപ്പിക്കുന്നതിന് എതിരെ നിയമം കൂടുതൽ കർശനമാക്കാൻ കേന്ദ്ര സർക്കാർ. നിലവിലെ ഐടി നിയമങ്ങളിൽ ദൃശ്യങ്ങൾ നിർമ്മിക്കുന്നവർക്കെതിരെ നടപടിയെടുക്കാൻ പരിമിതികളുണ്ടെന്ന വിലയിരുത്തലിൻ്റെ അടിസ്ഥാനത്തിൽ ആണ് തീരുമാനം. ഇക്കാര്യം ചൂണ്ടിക്കാട്ടി വനിതാ – ശിശു വികസന മന്ത്രാലയത്തിന് ഐടി മന്ത്രാലയം കത്തയച്ചു.
ഇൻസ്റ്റഗ്രാം പരസ്യങ്ങൾ വഴി കുട്ടികളുടെ അശ്ലീല ദൃശ്യങ്ങൾ പ്രചരിക്കുന്ന പശ്ചാത്തലത്തിലാണ് കേന്ദ്ര സർക്കാരിൻ്റെ നീക്കം. പോക്സോ നിയമം കൂടുതൽ കർശനമാക്കണമെന്നും ഐടി മന്ത്രാലയം ആവശ്യപ്പെട്ടിട്ടുണ്ട്. നേരത്തെ കുട്ടികളെ ചൂഷണം ചെയ്യുന്ന പരസ്യങ്ങൾ നീക്കം ചെയ്യണമെന്ന് ആവശ്യപ്പെട്ട് കേന്ദ്ര സർക്കാർ ഇൻസ്റ്റഗ്രാമിന് നോട്ടീസ് അയച്ചിരുന്നു.
വാർത്തകൾ വാട്സാപ്പിൽ ലഭിക്കാൻ