ചൂടുമായി ബന്ധപ്പെട്ട വ്യാജ പ്രചാരണങ്ങള്ക്കെതിരെ മുന്നറിയിപ്പ്. ചൂടിനെ കുറിച്ചുള്ള വ്യാജ സന്ദേശങ്ങള് സോഷ്യല് മീഡിയയില് വ്യാപകമായ പശ്ചാത്തലത്തിലാണിത്. ഏപ്രില് 29 മുതല് മെയ് 12 വരെ 45°C മുതൽ 55°C വരെ ചൂട് ഉയരുമെന്ന സന്ദേശം വ്യാജമാണെന്ന് ദുരന്ത നിവാരണ അതോറിറ്റി വ്യക്തമാക്കി.
'മൊബൈല് പൊട്ടിത്തെറിക്കും, ഇന്ധന ടാങ്ക് നിറയ്ക്കരുത്' തുടങ്ങിയ നിര്ദേശങ്ങളും അടിസ്ഥാനരഹിതമാണ്. സിവില് ഡിഫന്സ് വകുപ്പ് എന്ന പേരിലെ പ്രചാരണം തെറ്റാണ്. കേരളത്തില് സിവില് ഡിഫന്സ് എന്ന പ്രത്യേക വകുപ്പ് ഇല്ല. സിവില് ഡിഫന്സ് അഗ്നിരക്ഷാസേനയുടെ കീഴിലുള്ള സന്നദ്ധ സേന മാത്രമാണ്. ഔദ്യോഗിക മുന്നറിയിപ്പുകള്ക്ക് കെഎസ്ഡിഎംഎ വെബ്സൈറ്റ് പരിശോധിക്കണം.
54°C വരെ ചൂട് ഉയരുമെന്ന പ്രവചനം കേന്ദ്ര കാലാവസ്ഥാ വകുപ്പ് നല്കിയിട്ടില്ല. വ്യാജ പ്രചാരണം നടത്തുന്നവര്ക്ക് ദുരന്തനിവാരണ നിയമം 2005, സെക്ഷന് 54 പ്രകാരം നടപടി എടുക്കുമെന്നും മുന്നറിയിപ്പിൽ വ്യക്തമാക്കുന്നു.
വാർത്തകൾ വാട്സാപ്പിൽ ലഭിക്കാൻ