വീണ്ടും കാട്ടാന ആക്രമണം; ഇടുക്കിയിൽ ടാപ്പിങ്ങിനെത്തിയ വയോധികന് ദാരുണാന്ത്യം.

പെരുവന്താനത്ത് കാട്ടാന ആക്രമണത്തിൽ ടാപ്പിംഗ് തൊഴിലാളി കൊല്ലപ്പെട്ടു. കാ ഞ്ഞിരപ്പള്ളി തമ്പലക്കാട് സ്വദേശി പുരുഷോ ത്തമൻ (64) ആണ് മരിച്ചത്.

പെരുവന്താനം മതമ്പയിൽ ഇന്ന് രാവിലെ പ ത്തരയോടെയാണ് സംഭവം. പുരുഷോത്തമ നും മകനും ചേർന്ന ടാപ്പിംഗ് നടത്തുന്നതിനി ടെ കാട്ടാന പാഞ്ഞടുക്കുകയായിരുന്നു. മകൻ ഓടി രക്ഷപ്പെട്ടെങ്കിലും പുരുഷോത്തമൻ ആക്രമണത്തിനിരയായി.

പുരുഷോത്തമനെ ഉടൻ തന്നെ ആശിപത്രിയി ലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മുണ്ടക്കയത്തെ സ്വകാര്യ ആശുപത്രി യിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും. മതമ്പയിൽ റബർ തോട്ടം പാട്ടത്തിനെടുത്ത് നോക്കിനടത്തുകയായിരുന്നു പുരുഷോത്തമൻ.