പിറകിൽ നിന്ന് ചവിട്ടി വീഴ്ത്തി യുവതിയുടെ സ്വർണമാല പിടിച്ചു പറിച്ച് മുങ്ങിയ യുവാവ് പിടിയിൽ. ബത്തേരി ഫയർലാൻഡ് കോളനി, അഞ്ജലി വീട്ടിൽ അൻഷാദ്(24)നെയാണ് ബത്തേരി പോലീസ് പിടികൂടിയത്.
ഏപ്രിൽ 30-ന് വൈകീട്ട് ഏഴ് മണിയോടെയാണ് സംഭവം. പഴയ അപ്പുകുട്ടൻ മെമ്മോറിയൽ ഹോസ്പ്പിറ്റലിന് സമീപം ചുങ്കം മാർക്കറ്റ് റോഡിൽ വെച്ചാണ് ആറ് ഗ്രാം സ്വർണമാലയും 0.5 ഗ്രാം വരുന്ന സ്വർണ ലോക്കറ്റും ഇയാൾ കവർന്നത്.
സി.സി.ടി.വി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി വലയിലാകുന്നത്. കവർന്ന സ്വർണം വിറ്റ കടയിൽ നിന്നും റിക്കവറി ചെയ്തിട്ടുണ്ട്. ബത്തേരി സ്റ്റേഷൻ സബ് ഇൻസ്പെക്ടർ ഒ.കെ രാംദാസ്, എസ്.സി.പി.ഒ ടി.ആർ. രജീഷ്, സി.പി.ഒമാരായ പി.ബി. അജിത്ത് എന്നിവരാണ് പോലീസ് സംഘത്തിലുണ്ടായിരുന്നത്.
വാർത്തകൾ വാട്സാപ്പിൽ ലഭിക്കാൻ