തൃശൂർ: വരന്തരപ്പിള്ളിയിൽ നാലുമാസം ഗർഭിണിയായ യുവതിയെ വീടിനുസമീപം പൊള്ളാലേ റ്റ് മരിച്ചനിലയിൽ കണ്ടെത്തിയ സംഭവത്തിൽ നിർണായക വിവരങ്ങൾ പുറത്ത്. 21കാരിയായ അർച്ചനയാണ് മരിച്ചത്. ഭർത്താവ് ഷാരോണിനെതിരെ ഗുരുതര ആരോപണങ്ങളാണ് യുവതിയുടെ ബന്ധുക്കൾ ആരോപിക്കുന്നത്. ഇരുവരുടെയും പ്രണയവിവാഹമായിരുന്നു. ഷാരോൺ അർച്ചനയെ കൊന്നതാണെന്ന് അർച്ചനയുടെ പിതാവ് ഹരിദാസ് പറയുന്നത്.
സംശയരോഗിയായിരുന്ന ഷാരോൺ അർച്ചനയെ ക്രൂരമായി മർദിച്ചിരുന്നു. ആറുമാസമായി ഫോൺ ചെയ്യാൻ പോലും അനുവദിച്ചിരുന്നില്ലെന്നും പിതാവ് പറഞ്ഞു. 'ഷാരോണിന്റെ അമ്മയും ബന്ധുക്കളും മകളെ ഉപദ്രവിച്ചിരുന്നു. മകൾക്ക് അവരെ പേടിയായിരുന്നു. അർച്ചന കോളേജിൽ പോയതിന് ഷാരോൺ റോഡിലിട്ട് തല്ലിയിരുന്നു. അതിന് പൊലീസിൽ പരാതി നൽകിയിട്ടുണ്ട്. ബുദ്ധിമുട്ടുണ്ടെങ്കിൽ വീട്ടിലേക്ക് തിരിച്ചുവരാൻ മകളോട് പറഞ്ഞതാണ്. അവൻ ഒരുസ്ഥലത്തും മകളെ ഒറ്റയ്ക്ക് വിടില്ലായിരുന്നു'- ഹരിദാസ് പറഞ്ഞു.
ഷാരോണിനെ കഴിഞ്ഞ ദിവസം തന്നെ പൊലീസ് കസ്റ്റഡിയിലെടുത്തിരുന്നു. ഇയാൾ കഞ്ചാവ് കേസിലെ പ്രതിയാണെന്നാണ് പഞ്ചായത്തംഗം ബിന്ദു പ്രിയൻ പറയുന്നത്. ഭർതൃവീട്ടിലെ പീഡനം മൂലമാണ് അർച്ചന മരിച്ചതെന്നും ക്രൂരമായ പീഡനമാണ് അർച്ചനയ്ക്ക് ഏൽക്കേണ്ടിവന്നതെന്നും അവർ പറഞ്ഞു. സംഭവത്തിൽ വരന്തരപ്പിള്ലി പൊലീസ് അന്വേഷണം ആരംഭിച്ചിട്ടുണ്ട്. യുവതിയുടെ പോസ്റ്റ്മോർട്ടം റിപ്പോർട്ട് പുറത്തുവന്നാൽ മാത്രമേ കൂടുതൽ നടപടികളെടുക്കാൻ സാധിക്കുള്ളൂ. ഷാരോണിനെതിരെ കേസെടുക്കുമെന്നും പൊലീസ് അറിയിച്ചു.
ഷാരോണിന് വീടിന് സമീപത്തുള്ള കോൺക്രീറ്റ് കാനയിലാണ് അർച്ചനയുടെ കത്തിക്കരിഞ്ഞ നിലയിലുള്ള മൃതദേഹം കണ്ടെത്തിയത്. വീടിനുള്ളിൽ തീകൊളുത്തിയശേഷം പുറത്തേക്ക് ഓടിയതാകാമെന്നാണ് നിഗമനം.അളകപ്പ നഗറിലെ പോളിടെക്നിക് കോളേജിലെ വിദ്യാർത്ഥിയാണ് അർച്ചന. ഏഴ് മാസം മുൻപായിരുന്നു വിവാഹം. അർച്ചനയുടെ അമ്മയുടെ കുടുംബവീടിനടുത്ത് വാടകയ്ക്ക് താമസിക്കാൻ എത്തിയതായിരുന്നു ഷാരോണും കുടുംബവും. തുടർന്നാണ് ഷാരോണും അർച്ചനയും പ്രണയത്തിലായത്.
വാർത്തകൾ വാട്സാപ്പിൽ ലഭിക്കാൻ