പത്തനംതിട്ട തൂമ്ബാക്കുളത്ത് സ്കൂള്‍ കുട്ടികളുമായി പോയ ഓട്ടോറിക്ഷ മറിഞ്ഞുണ്ടായ അപകടത്തില്‍ മരിച്ച കുട്ടികളുടെ പോസ്റ്റുമോർട്ടം ഇന്ന്.
മൂന്നാം ക്ലാസ് വിദ്യാർത്ഥി ആദ്യലക്ഷ്മി (7), എല്‍കെജി വിദ്യാർത്ഥി യദു കൃഷ്ണൻ (4) എന്നിവരാണ് അപകടത്തില്‍ മരിച്ചത്. കുട്ടികളുടെ സംസ്കാരം ഇന്ന് ഉച്ചക്കുശേഷം വീട്ടുവളപ്പില്‍ സംസ്കരിക്കും. സ്കൂളിലെ പൊതുദർശനത്തിന് ശേഷമാണ് സംസ്കാരം.
ഇന്നലെ വൈകിട്ട് വിദ്യാർത്ഥികളുമായി പോയ ഓട്ടോറിക്ഷയാണ് 50 അടി താഴ്ചയുള്ള തോട്ടിലേക്ക് നിയന്ത്രണം വിട്ട് മറിയുകയായിരുന്നു. മരിച്ച ആദ്യലക്ഷ്മി ഉള്‍പ്പെടെ ഓട്ടോയില്‍ ഉണ്ടായിരുന്ന കുട്ടികളെ ആശുപത്രിയില്‍ എത്തിച്ചെങ്കിലും യദുകൃഷ്ണനെ കണ്ടെത്തിയിരുന്നില്ല. മണിക്കൂറുകള്‍ നീണ്ട തിരച്ചിലിനൊടുവില്‍ രാത്രി വൈകി നടത്തിയ തിരച്ചിലാണ് പാറക്കെട്ടിന് ഇടയില്‍നിന്ന് മൃതദേഹം കിട്ടിയത്.
റോഡില്‍ പാമ്ബിനെ കണ്ട് വെട്ടിച്ചപ്പോള്‍ ഓട്ടോ മറിഞ്ഞു എന്നാണ് ഡ്രൈവർ രാജേഷിന്റെ മൊഴി. ഇയാള്‍ക്കെതിരെ പൊലീസ് കേസെടുത്തു. പത്തനംതിട്ട കരുമാൻതോട് ശ്രീനാരായണ സ്കൂളിലെ ആറ് കുട്ടികളാണ് ഓട്ടോയിലുണ്ടായിരുന്നത്. പരിക്കേറ്റ മറ്റു നാല് കുട്ടികളും ഡ്രൈവറും ചികിത്സയിലാണ്.
വാർത്തകൾ വാട്സാപ്പിൽ ലഭിക്കാൻ