ഓണം എത്തിയതോടെ സംസ്ഥാനത്തെ ബിവറേജുകളില്‍ കച്ചവടം സർവകാല റെക്കോഡില്‍ എത്തുന്നത് പതിവാണ്. ഓരോ വർഷവും വില്‍പ്പനയില്‍ വൻ വർധനയാണ് രേഖപ്പെടുത്തുന്നത്.
തിരുവോണം ദിവസമായ വെള്ളിയാഴ്ച (05-09-2025) സംസ്ഥാനത്തെ ബിവറേജുകള്‍ക്ക് അവധിയായിരിക്കും. ഈ സാഹചര്യത്തില്‍ ഉത്രാടപ്പാച്ചില്‍ ദിവസമായ വ്യാഴാഴ്ച ബിവറേജുകളിലെ വില്‍പ്പന ഉയർന്ന തോതിലാകുമെന്ന കാര്യത്തില്‍ സംശയമില്ല. തിരുവോണ ദിവസമായ വെള്ളിയാഴ്ച മാത്രമാണ് ഓണത്തോടനുബന്ധിച്ച്‌ ബിവറേജുകള്‍ക്ക് അവധി നല്‍കിയിരിക്കുന്നത്.
തിരുവോണ ദിവസം കൂടാതെ ഈ മാസം രണ്ട് ദിവസങ്ങളില്‍ കൂടി സംസ്ഥാനത്തെ ബിവറേജുകള്‍ പ്രവർത്തിക്കില്ല. സെപ്റ്റംബർ ഏഴ് ശ്രീ നാരായണ ഗുരു ജയന്തി ദിവസത്തിലും (നാലാം ഓണം ഞായർ) സെപ്റ്റംബർ 21 ശ്രീ നാരായണ ഗുരു സമാധി ദിനത്തിലും സംസ്ഥാനത്തെ ബിവറേജുകള്‍ തുറന്ന് പ്രവർത്തിക്കില്ല.
കഴിഞ്ഞ തവണ കൊല്ലം ആശ്രമം ഔട്ട് ലെറ്റിലാണ് ഏറ്റവുമധികം വില്‍പ്പന നടന്നത്. ഇത്തവണയും സമാനമായ രീതിയില്‍ മദ്യവില്‍പ്പന ഉയരാനുള്ള സാധ്യതയാണ് സംസ്ഥാനത്തുള്ളത്.
വാർത്തകൾ വാട്സാപ്പിൽ ലഭിക്കാൻ