ജില്ലയിൽ വീണ്ടും സ്വർണ്ണമാല പൊട്ടിക്കുന്ന സംഘം. മാനന്തവാടിയിൽ നിന്ന് വീണ്ടും മാല പൊട്ടിക്കാൻ ശ്രമം.

 

മാനന്തവാടി:  — മാനന്തവാടി എൽ.എഫ് (LF) ജങ്ഷനിൽ വെച്ച് വയോധികയായ യാത്രക്കാരിയുടെ മാല പൊട്ടിക്കാൻ ശ്രമം. സംഭവത്തിൽ ഉൾപ്പെട്ടതായി സംശയിക്കുന്ന രണ്ട് സ്ത്രീകൾക്കായി പോലീസ് തിരച്ചിൽ ശക്തമാക്കി.

തിരക്കേറിയ ജങ്ഷൻ കേന്ദ്രീകരിച്ച് വയോധികയെ പിന്തുടർന്നാണ് പ്രതികൾ മാല അപഹരിക്കാൻ ശ്രമിച്ചത്. സമയോചിതമായ ഇടപെടലിനെ തുടർന്ന് കവർച്ച ശ്രമം പരാജയപ്പെടുകയായിരുന്നു.

ജില്ലയുടെ വിവിധ ഭാഗങ്ങളിൽ വയോധികരെ ലക്ഷ്യമിട്ട് മാലമോഷണം നടത്തുന്ന തമിഴ്‌നാട് സ്വദേശികളടക്കമുള്ള സംഘങ്ങൾ സജീവമായ സാഹചര്യത്തിൽ പൊതുജനങ്ങൾ അതീവ ജാഗ്രത പാലിക്കണമെന്ന് പോലീസ് നിർദ്ദേശം നൽകി. പ്രദേശത്തെ സി.സി.ടി.വി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം നടത്തി വരികയാണ്.