മകനെ വെട്ടിക്കൊലപ്പെടുത്തി അച്ഛൻ, മകൻ ചോരയില്‍ കുളിച്ചു കിടക്കുന്നുവെന്ന് അമ്മയോട് പറഞ്ഞതും പ്രതി!

കാര്യവട്ടം ഉള്ളൂർക്കോണത്ത് മകനെ പിതാവ് വെട്ടിക്കൊലപ്പെടുത്തി. വലിയവിള പുത്തൻവീട്ടില്‍ ഉല്ലാസ് (35) നെ ആണ് വീട്ടിനുള്ളില്‍ വെട്ടേറ്റ് മരിച്ച നിലയില്‍ കണ്ടത്.

പിതാവ് ഉണ്ണികൃഷ്ണൻ നായരെ പോത്തൻകോട് പൊലീസ് കസ്റ്റഡിയിലെടുത്തു. രക്തത്തില്‍ കുളിച്ച നിലയില്‍ ആയിരുന്നു മൃതദേഹം. ഇന്ന് രാവിലെ എട്ടുമണിയോടെ ഉണ്ണികൃഷ്ണനാണ് തൊട്ടടുത്ത വീട്ടിലുണ്ടായിരുന്ന ഭാര്യ ഉഷയോട് ഉല്ലാസ് രക്തത്തില്‍ കുളിച്ച്‌ കിടക്കുന്നതായി പറഞ്ഞത്.