16 കോടി രൂപയുടെ മയക്കുമരുന്ന് ക്യാപ്സ‌ളുമായി വിദേശ ദമ്പതികൾ നെടുമ്പാശേരി വിമാനത്താവളത്തിൽ പിടിയിൽ. ബ്രസീൽ സ്വദേശികളായ ലൂക്കാസ് ബാറ്റിസ്റ്റ, ഭാര്യ ബ്രൂണ ഗബ്രിയൽ എന്നിവരാണ് അറസ്റ്റിലായത്. ഇവരുടെ വയറ്റിൽ നിന്നാണ് കൊക്കെയ്ൻ ക്യാപ്സൂളുകൾ കണ്ടെത്തിയത്.
വെള്ളിയാഴ്ചയാണ് സംഭവം. വ്യക്തമായ വിവരത്തിന്റെ അടിസ്ഥാനത്തിലായിരുന്നു ഡിആർഐ ഉദ്യോഗസ്ഥർ ദമ്പതികളെ വിശദമായ പരിശോധനയ്ക്ക് വിധേയമാക്കിയത്. അങ്കമാലിയിലെ സ്വകാര്യ ആശുപത്രിയിൽ പഴങ്ങളും പച്ചക്കറികളും നൽകി വയറിളക്കിയാണ് ലഹരി ഗുളികകൾ പുറത്തെടുത്തത്. ഇരുവരിൽ നിന്നായി നിന്നും 163 ഗുളികകൾ കണ്ടെടുത്തു.
ജീവന് പോലും അപകടമാകുന്ന തരത്തിലാണ് ലഹരി കടത്തെന്നാണ് വൃത്തങ്ങൾ നൽകുന്ന വിവരം. ശരീരത്തിനുള്ളിൽ വച്ച് ക്യാപ്സൂളുകൾ പൊട്ടിയാൽ ഉടനടി മരണം സംഭവിക്കും. ഗുളികകളുടെ പുറത്ത് പ്ലാസ്റ്റിക് ആവരണമുണ്ട്. അതിനാൽ വയറ്റിലെത്തിയാലും പൊട്ടില്ലെന്നാണ് ഇവർ കരുതിയിരുന്നത്. പിടിയിലായ യുവതി ഗർഭിണിയായിരുന്നു. മുന്ന് ലക്ഷം രൂപയാണ് ലഹരികടത്തിന് കമ്മീഷനായി ലഭിച്ചിരുന്നതെന്നാണ് വിവരം.
വാർത്തകൾ വാട്സാപ്പിൽ ലഭിക്കാൻ