തിരുപ്പൂരിൽ വാഹനാപകടത്തിൽ മലയാളി കുടുംബത്തിലെ മൂന്നുപേർ മരിച്ചു.

തമിഴ്‌നാട് തിരുപ്പൂർ കങ്കയത്ത് ഉണ്ടായ വാഹനാപകടത്തിൽ മലയാളി കുടുംബത്തിലെ മൂന്നുപേർ മരിച്ചു. മൂന്നാർ സ്വദേശികളായ നിക്സൺ എന്ന രാജ (46), ഭാര്യ ജാനകി (42), മകൾ ഹെമി മിത്ര (15) എന്നിവരാണ് മരിച്ചത്.

പരിക്കേറ്റ ഇളയ മകൾ മൗനശ്രീ ഗുരുതരാവസ്ഥയിലാണ്. മൂന്നാർ ഗൂഡാർവിള എസ്റ്റേറ്റിലെ താമസക്കാരാണ് അപകടത്തിൽപ്പെട്ടത്. ചൊവ്വാഴ്‌ച പുലർച്ചെ മൂന്ന് മണിയോടെയാണ് അപകടം. ഇവർ സഞ്ചരിച്ചിരുന്ന വാഹനം നിയന്ത്രണം വിട്ട് മരത്തിൽ ഇടിക്കുകയായിരുന്നു. മൂന്ന് പേരും സംഭവ സ്ഥലത്ത് തന്നെ മരിച്ചു. ഗുരുതര പരിക്കേറ്റ ഇളയ മകൾ മൗനശ്രീ തിരുപ്പൂരിലെ ആശുപത്രിയിൽ ചികിത്സയിലാണ്.

കേരള വിഷൻ കേബിൾ ടി.വി ഒപ്പേററ്റർ ആണ് നിക്സൻ. ഭാര്യ ജാനകി ഈറോഡ് ആർച്ചല്ലൂരിലെ പ്രാഥമിക ആരോഗ്യ കേന്ദ്രത്തിൽ നഴ്സായി ജോലി ചെയ്ത‌് വരികയായിരുന്നു. കേരളത്തിൽ നിന്നും ഈറോഡിലേക്ക് പോകുന്നതിനിടെ ആയിരുന്നു അപകടമുണ്ടായത്.