80കാരിയായ ഭാര്യാ മാതാവിനെ തലയ്ക്കടിച്ച്‌ വീടിന് തീയിട്ടു; പിന്നാലെ മരുമകൻ ആത്മഹത്യയ്ക്ക് ശ്രമിച്ചു, രണ്ട് പേരും ഗുരുതരാവസ്ഥയില്‍..

വായോധികയെ തലയ്ക്കടിച്ച്‌ ക്രൂരമായി പരിക്കേല്‍പ്പിച്ച ശേഷം മരുമകൻ പാചകവാതക സിലിണ്ടർ തുറന്നുവിട്ട് വീട് കത്തിച്ചു.

60കാരനായ മണിയപ്പനാണ് അക്രമം നടത്തിയത്. പാരിപ്പള്ളി മീനമ്ബലത്ത് ഇന്ന് രാവിലെയായിരുന്നു സംഭവം. ഇയാള്‍ കഴുത്തും കൈ ഞരമ്ബും മുറിച്ച്‌ ആത്മഹത്യയ്ക്ക് ശ്രമിച്ചു. ഭാര്യാ മാതാവ് രത്നമ്മ (80) ഗുരുതരമായി പരിക്കേറ്റ് പാരിപ്പള്ളി മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. മണിയപ്പന്റെ ആരോഗ്യനിലയും ഗുരുതരമാണ്. പരവൂരില്‍ നിന്ന് അഗ്നി രക്ഷാ സേനാംഗങ്ങള്‍ എത്തിയാണ് വീട്ടിലെ തീ അണച്ചത്.